Kioto-Premio

Kioto-Premio
scienca premio • arta premio
Branĉoj	• Kiota Premio pri Altnivelaj Teknikoj • Kiota Premio pri Bazaj Sciencoj • Kiota Premio pri Arto kaj Filozofio vd
Nomita laŭ	Kioto
Organizanto	Inamori Foundation
Lando	Japanio
Fondita en	1985
En TTT	Oficiala retejo vd
v • d • r

La Kioto-Premio (japane 京都賞, Kyōto-shō) estas la plej alta privata premio de Japanio por vivatingo en la artoj kaj sciencoj. La internacia japana premio aljuĝita ĉiujare, ekde 1985, al signifaj kontribuantoj al la scienca, kultura kaj spirita plibonigo de la homaro ^[1]. Ĝi estas esence simila al la Nobel-premio kaj estas donita en tri kategorioj: Teknologio, Scienco kaj Arto, kaj filozofio. La fondaĵo Inamori fondita de Kazuo Inamori, distribuas la premiojn donitajn ne nur al tiuj, kiuj reprezentas la maljunulojn en sia kampo, sed ankaŭ al tiuj, kiuj kontribuis al la homaro per sia laboro. La premio estas konsiderita unu el la plej prestiĝaj premioj en kampoj kiuj tradicie ne ricevas la nobelpremion ^[2], kaj estis nomita "la japana ekvivalento de la nobelpremio." ^[3]

La gajnintoj de la premio estas individuoj kaj ne organizaĵoj (unu persono po kategorio). Tamen, en specialaj kazoj premio povas esti dividita inter pli ol unu persono. La elekto estas farita sendepende de nacieco, raso, sekso, aĝo aŭ religio. Kaj la premiitoj ricevas atestilon, oran medalon de 20 karatoj kaj kontantan premion de 100 milionoj da enoj (ĉirkaŭ 927 400 USD) por ĉiu kategorio.

La kandidatoj por la premio estas nomumitaj de la oficialaj sponsoroj, kiuj estas elektitaj ĉiujare de la fondaĵo Inamori, el inter agnoskitaj lokaj kaj internaciaj aŭtoritatoj. La elekto estas farita en tri stadioj, dum kiuj apartaj komisionoj funkcias por ĉiu disciplino en ĉiu kategorio, aldone al la plenumkomitato de la premio. Tiam, dum la monato da junio, la gajnintoj de la premio estas anoncitaj, kaj en novembro de la sama jaro, la ceremonio okazas.

Ene de ĉiu el la tri kategorioj, la specifaj temoj ŝanĝiĝas de jaro al jaro. Ene de la kampo de baza natursciencesplorado, la premio rotacias inter biologio (evolua biologio, kondutbiologio, ekologio kaj media biologio), matematiko; tersciencoj (planetologio, astronomio kaj astrofiziko) kaj vivsciencoj (molekula biologio, ĉelbiologio, neŭrobiologio). En la kampo de teknologio, la premio ŝanĝiĝas por rekompenci elstaran esploradon en elektroniko, bioteknologio kaj medicina teknologio, materiala scienco kaj inĝenierado, kaj komputiko. La premio por arto kaj filozofio turniĝas inter muziko, arto (bildartoj, skulptaĵo, manfaritaĵoj, arkitekturo kaj dezajno), teatro kaj kino, same kiel filozofio kaj etiko.

En ĉiu kategorio estas kvar specifaj scikampoj, el kiuj la premiitoj estas difinitaj ĉiujare, en ĉiu kategorio nur unu premio estas donita.

1. ↑ Pri Kioto-Premio | Premio Kioto (en-US). Alirita 2019-12-21.
2. ↑ Kyoto Prize honors achievement and character - USATODAY.com. Alirita 2019-12-21. “Many of the prizes serve as precursors to a Nobel or fill in areas where a Nobel is unlikely to be awarded ...”.
3. ↑ Kyoto Prize honors achievement and character, retejo USA TODAY